Na Spéaclaí Draíochta

Scigdhráma faoi lánúin mheánaicmeach atá ag sodar i ndiaidh na n-uasal. Ach an éireoidh leo an lámh in uachtar a fháil ar an mbuitléir.

George – an buitléir – Seán Ó Cionfhaola
Séamus – Séamus Mac Conmara
Éilís – Máire Ní Chinnéide De Búrca
Fear an DPD – Michael Gill
Stiúrthóir – Róisín Uí Chógáin (Director)

Ardán Mhaigh Eo

Na Spéaclaí Draíochta - Léirmheas Ann Marie Ní Óráin
Molaim go h-ard Ardán Mhaigh Eo as an dráma seo a chur ós ár gcomhair nuair nach bhfuil siad ach roinnt míonna ar an bfhód. Bhí sé soiléir go raibh croí agus anam an compántais san imeacht uilig, agus tá dóchas orm go rachaidh sibh ó neart go neart san am atá ag teacht. Is scéal éadrom greannmhar atá i gceist, agus d’éirigh go maith leis an léiriúchan é sin a thaispeáint dúinn.

D’fhreastal an seit go maith ar an dráma agus bhí na troscáin stáitse oiriúnach chun an suíomh a chur i láthair, chomh maith le stádas an lánúin Séamus agus Éilís. Chuir na cultacha agus na prapaí leis freisin agus bhí siad éifeachtach don aicsean. Cheap mé nach raibh gá leis an píosa breise a bhí ar na spéaclaí, ach níor chuir sé isteach ar insint an scéil.

Bhí an soilsiú go maith, agus d’éirigh thar cionn leis an gceol chun an suíomh a léiriú. Is éacht a bhí ann an chaighdeán ard teicneolaíochta a bhaint amach leis an méid gearr ama a bhí ag an bhfoireann an stáitse a réiteach.
Bhí neart fuinnimh agus beocht ag na h-aisteoirí ar fad. D’oibrigh siad go sásúil lena chéile, agus tá mé cinnte go méadóidh a gcompóird ar stáitse de réir a chéile. Mholfainn dóibh a gcuid geatsaíochtaí a laghdú agus tuilleadh smacht a choinneáil ar a gcuid carachtair. Ní mór údarás a ghlacadh ar stáitse mar aisteoirí agus greim a choinneáil ar na néaróga, ach go h-áirithe nuair atá go leor fuinnimh ag teacht ón lucht féachana.

Ba mealltach, spraoiúil an taispeántas é seo, a thaitnigh go mór leis an lucht féachana.
Guím gach rath ar Ardán Mhaigh Eo. Comhghairdeas libh.